Obra-lizentzia

Helburua

Honako obra hauek egiteko lizentzia lortzea: etxebizitzen barrualdea eraberritzekoak, igogailua jartzea, lokaletako erreforma txikiak, balkoiak, fatxadak, hegalak, teilatuak, kanpoko aroztegiak konpontzea, errotuluak eta toldoak jartzea, eraispenak, panteoiak, etab.

Izapidea nork egin dezakeen

Edozein pertsona fisiko edo juridiko, pertsonalki edo ordezkari bidez.

Tramitea nola egin daitekeen

• Telematikoki: orri honen behealdean dagoen Instantzia berria botoiaren bidez.
  • Eskatzailea administrazio publikoekin elektronikoki harremanak izan BEHAR DITUEN PERTSONA JURIDIKOA EDO SUBJEKTUA bada, horrela bakarrik aurkeztu ahal izango du.
• Aurrez aurre, udaletxeko bulegoetan.

Aurkeztu beharreko agiriak

• Obra-lizentziaren eskaera betata eta pertsonak edo ordezkariak sinatuta.
•  Aurrekontu banakatua unitate bakoitzaren unitate eta prezioekin.
• Etxebizitza edo lokalak eraberritzeko obretarako kokapen- eta kokaleku-planoak, egungo egoeraren eta erreformaren planoak, sekzio, altxaera, bornatu eta gainazalen planoak, aurrekontu xehatua, fatxada, ate eta leihoen materialak eta kolorea aurkeztuko dira eta, lokalen kasuan, zertarako erabiliko diren adieraziko da.
• Fatxadari, leihoei, terrazei eta balkoiei eragingo dieten obretarako, Jabeen Erkidegoaren baimena aurkeztuko da.
• Eraikuntza berriko obretarako edo eraikinen erabateko zaharberritzeetarako euskarri informatikoa (CDa edo antzekoa) erantsiko da, eraikinaren kokapen-planoekin eta oinplano orokorrekin.

Zenbatekoa

• Hirigintzako izapideei buruzko ordenantza fiskalean indarrean dauden tarifetan ezarritakoak.

Nola eta noiz ebazten den

• Eskaera obrei hasiera eman baino lehen egingo da beti. Bide publikoa okupatzeko lizentzia eskatzea, obren izaerak hala eskatzen duenean, obra-eskaeren barruan sartuko da. Ahazten den kasuetan soilik joango da interesduna ondoren eskatzera.
• Lizentzia eman ondoren obra ez bada egin behar, interesdunak idatziz eskatu beharko du baimena baliogabetzeko.
• Obrako lizentziak eman eta urtebetera bukatzen dira; epe hori igarotakoan lizentzia berritu behar da.